Festina lente

Flujas dae haet ôs ein stad gestich,

Wao 't zoë good is te zien,

Haet ôs ouk ein spreuk gedich,

In 't plat Letien.

Flujas dae zag op de stichtingsbal,

"Kinder nôw huër ens, geej wet,

Veur d'n daag weer leechte zal

Gaon weej neet nao bed".

Refrein:

Festina lente,

't Is nog zoë vruug.

Fac omnia mente,

En maak dich neet meug.

Weej halde door zoë lang 't geit,

Wies d'n haan weer haet gekreid.

Festina lente,

't Is nog zoë vruug.

Flujas dae heel van 't gerstenaat,

Schödde de häöres maar vol

En al woord 't nog zoë laat

Idderein had lol.

Guntruud ging rônd met de bookeskeuk.

Kinder, waat waas 't weer knap.

Zông ôs schoëne waopespreuk,

Baove op d'n tap.

Wäörd: Frans Boermans

Meziék:

Fioelkônsert

Mien ome Funs, mien ome Funs

Dae duit oët leefde aan de kuns.

Al jaor en daag, al jaor en daag

Haet hae op zien fioël gezaag.

Refrein:

Och d'n oedel det gedoedel op de maekmesjien

Det geknômmel mak mich laam.

Det gekiedel op die fiedel duit mien oëre pien

Goëi dae lômmel oet de raam

Det miës gemaek op dae kattenderm

Waat haet die kat gehad ocherm.

Och d'n oedel det gedoedel hilt neet op

Strakkes valle mich de oëre van de kop

Mien ome Funs, mien ome Funs

Dae duit nog altiëd aan de kuns.

Hae guf konzert, hae guf konzert

En kniep de kat maar in de stert.

Mien ome Funs, mien ome Funs

Dae kint fioële oet de kuns.

Iërs striëk hae op dan striëk hae neer

Waal doezend kiër in ein keteer.

Jaor 1965

Floep

Ik weit neet wao ik ut aan verdeen, maar ein dink heb ik taege.

Ik kan gen volle glaazer zeen en ik kan neet taege laege.

Det is mien fout, ik weit ut schat en ik dink maar eders kiër.

Wae de letste haet gehad, dae krieg d'r genne miër.

Refrein:

Floep zag ut stöpke, aop waas de fles.

Geld genôg veur eine man en dors veur zes.

Kloek zag ut dröpke, proos zag de man.

Nondepie dao lös ik d'r waal dreej, veer, viëf van.

Floep zag ut stöpke, aop waas de fles.

Geld genôg veur eine man en dors veur zes.

Kloek zag ut dröpke, proos zag de man.

Morrejen dao lös ik waal ein vaetje van.

`Ne mins dae op de lappe geit, dae môt neet euverdriëve.

Nae, nae det is gen gekkigheid, enne mins môt maotig bliève.

Zoë noow en dan, dan preuf ik jao ens heej en dao d'r van.

Maar toch leever heej dan dao en leever noow dan dan.

Wäörd en Meziek: Fr. Boermans

en W. Maas

Jaor 1967

Flujas Welske

Refrein:

D'es ôs welske, Flujas-welske

Det kin iddere Venlonaer

Wie det schroévelt lekker knoévelt

Ein twié dreej dao gaon we haer

D'es ôs welske, Flujas-welske

Kièk ens good wie of der geit

Einmaol links um, einmaol rechs um

Wuért de stad weer rôndgedreijd.

Ein welske en ein blie gemood

Dat brink ôs doén beejein

Zôn Venloos welske duit mich good

Zoë blief ik op de bein

Auk um mich haer, det zeen ik gaer

Doon alle minse mei

Verleef van heej wies Kaevelaer

Vindt idder zienen dreij.

Ein pöl van efkes twintig jaor

Van hiéle gooien doon

Kôs oét de veut d'es iérlik waor

Stônd stevig in de schoon

Op einen vastelaovers-bal

Dao ging 't wie zoë dök

Det welske oét d'n hoonderstal

Det brach ôs twié gelök.

Wäörd: Wiel Hermans

Meziék: Wim Roeffen

Gezônge: Joke Theewen en Hay Cromvoets

Jaor 1988

Gaer Venlonaer

Refrein:

Ik bin zoë gaer, baove alles Venlonaer

Ut duit mich good, mien Venloos blood

Wil nörges anders haer

Mien hert zoel kriëte mich verwiëte

Als ik det zoel doon

Want ik bin Venlonaer wies in mien schoon

Mien hert zoel kriëte mich verwiëte

As ik det zoel doon

Want ik bin Venlonaer wies in mien schoon

As ik in hiele alde beuk

Naor ôs Venloos verleeje zeuk

Bliek ôs Venlo aeve alt

As de ridder Kuunibalt

Spaanse ridders en Franse

Waogde heej vruuger eur kanse

Schienbaar waare die toen al gaar

Net as weej nôw Venlonaer

Lets beej ut vlege op de hei

Veur ik erg had vloog ik mei

Minse waat ein moëj gezich

Hiel det Venlo, det van mich

Loog ônder mich as ein printje

Aan ein zillever lintje

Venloos stedje wat bin ik gaer

Baove alles Venlonaer.

Wäörd en Meziék: H.Steegh en W. Janssen

Jaor: 1980

Gank now nao hoes

Refrein:

Gank now naor hoës en staon dao neet te kiëke

Asof dae lange sliert van boereblauw nog kump

Ut is gedaon dich mos neet laote bliëke

Det dich ut ind van vastelaovend zoë ontstump

Ik veul heite traone op mien wange

Of kump dat van de kalde wind

Dreej daag heel de joeks mich heej gevange

Dreej daag veulde ik mich wie ein kind

Alle rame in de stad die zien al duuster

Alle lampe in de stad die ziën al oët

En ik veul mich zoë verlaore en verlaote

En mien träötje bluus zien allerletste toët

Dreej daag ware al die minse heej mien vrinde

Maar det is now weer veurbeej, det is neet fijn

Kôs ut morge nog ein bietje vastelaovend zien

Dan veulde ik mich neet zoë gans allein

Wäörd: Jan Derijk

Gezônge:

Gelache !!!

Wie ik vanmorge wakker woord, de slaop nog lang neet oét

Keek ik ens in de speegel, en zoog mien eige snoét.

Det waas neet zoë biezônder, maar waat waas ‘t geval?

Dae lach van gisteraovend, dae zoot nog euveral:

Maar..... waat..... heb ik gisteraovend toch gelache,

Gelache.....gelache

Waat heb ik gisteraovend toch gelache

Maar vraog mich neet waorum.

Ik weit nog waal, de ganse zaal,

Had zoëgezag de slappe lach.

Waat....heb ik gisteraovend toch gelache.

Maar ‘k weit ech neet waorum.

Ein lid van de gemeinteraod, dae kôs d’r maar neet beej,

Det eine zoot te näöle, dae zelf noeits waat deej.

Hae kôs ‘t toen neet laote, en zat um flink veur paol,

De raod meus toen zoë lache, die reepe allemaol:

Lets heb ik toch wat meigemak, ik wis neet waat ik hoort

Al waas ‘t gans gelaoge, ik gluifde idder waord.

Dae mins dae det vertelde, waas waal neet gans good wiés

‘k Kreeg traone in mien ouge, maar lachde mich de miés:

Gezônge:  Petro Janssen, Mark Janssen,

Miriam van Elderen en Bernie Billekens

Wäörd: Wim Roeffen

Jaor: 2008 plaats 2

Geld wie water, hand mit gater
 

koeplet
Weej zegge ‘t zoë dök: “Weej waere nog ens riék”,
Maar as det dan neet lök, dan steisse moei te kiék.
De vruuëgs dich aaf “Waorum, krieg ik det noow neet klaor?”
Maar asse dét neet wets, dan druim maar lekker door.

refrein
Hadde weej maar geld wie water
Dan ware weej noow miljonaer.
Makde ôs gen dieke bein um later
Ouk al had geej det dan nog zoë gaer.
Want veel d’r dan ein buuj, stônd idderein versteld,
En kôste alle luuj, weer zwumme in ‘t geld
Hadde weej maar geld wie water
Dan ware weej waal miljonaer
Maar hadde weej dan hand mit gater 2x
Dan leep dao alles weer doorhaer. 2x
….. en zien weej weer gen miljonaer

koeplet
Weej klage altiéd maar, wat is ‘t heej toch deur
Maar det is groëte kwats! Dao zien toch cente veur?
En zien die weer ens op, of hebse neet genôg
Dan maak dich maar gen zörg, ‘t geld velt oét de lôch

koeplet
Weej gaon zoë gaer op reis, ‘t leefste nog hiël wiéd,
Maar waosse dan ouk geis, de bis toch hiël wat kwiét.
En asse det neet haes, dan bliefste doën beej hoés
Dan is ‘t wiesse zaes: “Ik blief ‘t leefste thoes!
 

Gezônge door: Mirjam van Elderen, Bernie Billekens, Marc Janssen,
Petro Janssen
Teks en Muziék: Wim Roeffen
Plaats 3  Jaor: 2009
 

Goojen daag

Refrein:

Goojen daag, goojen daag, goojen daag.

Och juffrouw as ik ôg ens vraoge maag.

Goojen daag, goojen daag, goojen daag.

Had geej gaer eine man van `t baeter slaag.

Dan kiék ens efkes heej, want ikke bin nog vreej.

En ik bin de ware Jacob.

Dan kiék ens efkes heej, want ikke bin nog vreej.

En ik bin de ware Jacob.

Jacoëbus dae ging taege wil en dank.

Ongekös en waal ziene laevesgank.

Hae woel waal ein vrouw maar hae kreeg gén beet.

Want dae goojen bluts dae dach, det dörf ik neet.

Op zeekren daag had hae mood genôg.

Had hae zich ein nette dame oëtgezôch.

De häörkes gekeimp en `t snörke getoep.

Stond hae met de blome op de stoep.

Jacoëbus dae vond det is gaar neet gek.

Zô'n deftig hiërehoes is genne kattendrek.

Hae trok aan de bel, en hae keek hiël zeut.

En dach die deure dame haet wat aan de veut.

Hae dôch det die juffrouw nao ônder kwaam.

Toen reep die gans van baove oet de zölderraam.

Wach maar wies woensdaag schöllekskesdaag.

As ik van mevrouw nao boete maag.

Jacoëbus dae is nao de Prins gegaon.

Gej zeet um mit de ploëte aan hae veur och staon.

En zuk d'r ein maedje ein gooi pertie.

Hej is dan det lötje oët de lotterie.

`t Is ongehuurd des te zegge kins.

Des te mich beslis um op te schete vins.

Now gaer dan of neet as te dan maar wets.

Ik vraog `t veur `t aller-allerlets.

Wäörd en Meziek: Fr. Boermans

en Veroliemeulen.

Groët geliek

Jozef dae fietsde ens door de nach.

Dao kwaam eine pliessie haer.

Jozef dae belde oët alle mach.

En reej um toen umvaer.

De pliessie noom `t waord.

En Jozef zag: "Akkaord.."

Refrein :

Waaste dao hes gezag, dao heste geliëk in.

Groët geliék in, dao zit meziëk in

Jao, ik huur `t dich nog zegge, want ik dach.

Morrejen waat haet dae man det moei gezag.

Jao, det gluif ik dich d', allerierste kiër.

Daorum zag `t mich nog ens, want ik weit `t neet miér.

Lets aan toen brach ik Se-fie nao hoës.

Ik makde mich toch zoë drök.

Ik heb waal ein oor achterein gesmoes.

Van leefde en gelök.

En wie ik gen wäörd miër had.

Toen zag dae leeve schat.

Wäörd en Meziek: Fr. Boermnas

en Th. Luxembour