A B-C D1 D2 D3 E F-G H I1 I2 J K L M N-O P R-S T1 T2-U V1 V2 W1 W2 Z-2011

Beer leedje

 

Ik heb ens ein verhaol gehuurd, det gaar neet ôngegrônd is.

“De wetenschap haet oëtgemak, det drinke zoë gezônd is”

‘t Beer det wuurd oët gers gebrouwd, dus prakkezeerde ik:

“Dan zitte d’r ouk in ein glaas beer, waal zeve sneje mik, dus....

 

Refrein:

Schödt d’r mich nog eine in, ik vind det grei zoë lekker.

Ik weit neet waat ‘t beste is, d’n brouwer of d’n bekker.

Kôm zit de kraan nog ens aope.

Ik kin d’r zoë lekker van slaope.

In aete heb ik genne zin, dus....

Schôdt d’r mich nog eine in.

 

De Battaviere in daen tiêd, die hadde gaar gen klage.

De ginge um d’n and’ren daag, ens visse en ens jage.

En ‘s aoves waas d’r groët redou, dan woord d’r aangepap.

De hoors dao noëts ens: “Smakelik” maar um de haverklap:

 

Wäörd: Koos Timp.

Meziek: Giel Aerts.  

Belle belle belle

 

In Venlo hoof zich neemus te vervaele,

In Venlo dao is lichtig wat te doon.

En zitste dich ens ônverhaop te kwaele,

Dan snudste dich maar gauw d’n tillefoon.

 

Refrein:

Gewoén maar .....

Belle, belle, belle

Ein joekskèpel bestelle,

Die wônderkinder oét ‘t stedje van plezeer.

Belle, belle, belle

Det zal ik ôch vertelle,

Die träöte in ein oor waal zes keteer.

Zoë hilt die joeksképel ôs aan d’n drei

Al gaon ze nao de hel, maar weej gaon mei.

 

‘t Mak beej ôs niks oét det ‘t laat is,

Det mak jao gaar niks oét veur zô’n kèpel,

Zoëlang d’r nog wat lekkers in ‘t vaat is,

Dan trekke weej maar effe aan die bel.

 

De huérs ze van Genuuë wies de Dreej Kroéne.

Van euver de maasbrök wies op de hei.

Zeej bringe joeks en jen in alle toéne,

Zoë pik de ganse stad d’r wat van mei.

 

Wäörd: Ad Pollux.

Meziék: Giel Aerts.

Gezônge:Herm en Bert Pollux.

Jaor 1984

Blauwe auge

 

Dao is al vuël geschreven, gezônge en gezag,

Van haor , van bein, van wange, van ‘t vrouwelik geslach.

Maar wao ik van gaon zinge, det raojt ge al meschien,

Geit euver ein paar auge, die van mien maedje zien.

 

Refrein:

As ik dich in dien blauwe auge kiêk,

Veul ik mich zoeë riêk, veul ik mich zoeë riêk,

Riêker dan eine miljonair,

Och waat zeen ik dich toch gaer.

As wej same nao dien hoês toe gaon

En wej efkes nog aan de veurdeur staon,

Huur ik euveral meziêk,

As ik in dien auge kiêk.

 

Al hebste gennen auto, gen huzer en gen geld,

‘t Zien dien blauwe auge, wao ‘k allein op bin gesteld.

De hoofs mich niks te zegge, dien auge zegge mich,

Ik kan ‘t duud’lik laeze: “ik hald zoeë vuël van dich.”

Boerebroelof

 

’t Werk det is gebeurd,

Nôw zien we oëtgekneurd.

Waat hebbe weej gepaes.

De verkes zien gevoord.

De tuite zien geschoord.

Weej zien in de kuup gewaes.

 

Refrein:

Zulle weej dan nôw maar nao de broelof gaon

Det guf ein gooje wei.

Hebbe weej neet lang genôg al druëg gestaon

Wae geit d’r met ôs mei.

Wae neet vaerdig is dae kump ôs dan maar nao.

De boeredöchter zien al dao

En dan zulle we ens kiëke of ’t stump

Det van ein broelof ein broelof kump.

 

De zoog die haet gebag.

De mök dae is geslach.

De biëste zien verzörg.

De geerton is gelaeg.

’t Hoës dat is gevaeg.

De mis is weggeschörg.

 

Gemôlke is de geit.

De flatse zien gespreid.

Gepoets is ouk ’t paerd.

Gedaon is det gemelk.

De stal dae is gekelk

En de schop dae is gekaerd.

 

Wäörd: Frans Boermans

Meziék: Thuur Luxembourg

Jaor 1965

Boerebroelof (2)

Daag Drieka, daag Koëba, daag Bertha, daag Billa.

Dao gaon we dan weer haer.

Daag Kuëbes, daag Tinus, daag Hannes, daag Nilles,

Weej zien alweer zoëvaer.

Weej hebbe de beinkes gesmaerd en we zien in ein biëstig gooje buuj.

Waat is det toch joeksig, de zuus eder jaor weer diezelfde boereluuj.

 

Refrein:

Weej gaon met de broelof mei.

Dao vinde weej ôzzen dreij.

Weej deje ôs boere-ploete aan

En now geit ’t loos en now geit ’t d’raan.

Want wae boerebroelof viert

Dae buis en dae piert en zwiert.

Zoë wuurd minnig welske gedreid

Met zô’n rônde boeremeid.

 

Weej kletste en zinge, weej walse en springe,

Weej bläöke van de lol.

Weej hebbe te aete, weej hebbe te drinke,

Ôs kallebeske vol.

Now dink gennen boer aan de kuuj en de kiepe en aan de verkes thoës.

En as ’t gedaon is dan gaon weej vannach met de kiepker weer nao hoës.

 

En kriege weej hônger, dan waere ens efkes

De mouwe opgestruip.

Dan kômme de flaaj en de plats op de taofel

En kaoje beej de huip.

Daonao gaon we aete, broen boëne of kappes of boeremoos met wors.

Daobeej dan ein keul pötje leech of dônker beer of halfum veur d’n dors.

Boeremoos met wors

 

Refrein:

Boeremoos met wors

Boeremoos met wors

En ein pilske veur d’n dors

En ein pilske veur d’n dors

Gaef mich maar boeremoos met wors

Met boeremoos en braodwors is ’t laeve neet zoë zwaor

En daobeej nog ein muulke van ein kind van 18 jaor

Boeremoos, boeremoos,

Boeremoos met wors

 

Eederein dae hilt van worst, met ein pilske veur d’n dors

En auk boeremoos, jông dan geit ’t loos

Boeremoos is medisien, vastelaoves-vitamien

Hebste d’raan gelek, zinge ze al direk

 

Wäörd: en Meziék: Gebr. Hendriks

Carnavalsleedje

 

De joeks is weer begonne

Jonges waat trekke wéj oz aan

Waat wuërd d'r weer verzonne

Want 't is den tied van Jocus Haan

 

As wéj maar kunne hosse

en gek doon net wie 'ne pias

schei oet nouw mit det greeke

det kump in Venlo neet van pas.

 

Haol gauw ein maske, ein ratel of trompet

kom maedjes en auk jonges, want now begint de pret

hiep hiep hiep hao, hiep hiep hiep hao )

want Jocus Haan is weer dao ) Bis