Oetslaag Opus Jocus Leedjesaovend 2011

Plaats 1. As Jocushaan weer kreit

As Jocushaan weer kreit
Jao, dan weit ik ‘t geheid
Det ik vanaaf de Parade paradeer
Nao de Maaspaort op en neer
Staon ik stil veur ‘t stadhoés
Veul ik Venlo, Venlo is mien thoés
Vastelaovend vier ik gaer
Ik bin einen echte Venlonaer
As faatse loup ik mei in ôzzen optoch
Klasjeneer dan mit de minse langs de kant
Euver dit en euver det, wie geit ‘t nog
Waat is d’r toch mit Venlo aan de hand
Ik laef ech mei mit mien stad
Jao, Venlo duit mich wat
W a n t A s …
As dinsdaagmorge miene wekker aafgeit
Haol ik weer mien boéreploéte oét de kas
Hudje op, de frakjas aan, weer schoën verkleid
Daen alde knômmel kump mich weer van pas
Ik gaon door wies’t letste oor
Dan deurt ‘t weer ein jaor
M a a r  A s ...

Wäörd en meziëk: Ruud Bettinger  & Paul Lenders

Zang: Hay Smeets

Plaats gedeilde 2e. Weej bliéve thoés

Ik meug dit jaor weer d’roét
Zoëlang d’n aafspraok is
det ik op tiéd weer thoés zal zien
umdet mien mam mich mis
Noow heb ik mich bedach
Ik kin gewoën bliéve staon
Want zoëlang as ik mich thoésveul
hoof ik neet nao hoés te gaon
Weej bliéve thoés, thoés, thoés
mit vastelaovend
Want ôs hoés, hoés, hoés
geit idderen aovend mit ôs mei
we weite neet wie of ‘t kan
maar we neeme ‘t d’rvan
Weej bliéve thoés, thoés, thoés
mit vastelaovend
Want ôs hoés, hoés, hoés,
vluug idderen aovend mit ôs mei
dan steit ‘t midde in ‘t kefeej
En is ‘t fees veurbeej
dan nóg bestelle weej
Want ôs hoés en thoés zien heej!
En we gaon nog neet nao hoés
Want euveral is thoés
‘t Allerslumste biës
Is ônbetwis de slak
Umdet dae van twië waerelde
‘t Allerbeste pak
Kump noeits te laat nao hoés
Nao nachte vol mit beer
Want dae klooke sjouwt zien hut
die dreej daag euveral mei haer!
Heimweej duit gen pien
Asse euv’ral thoés kins zien

Wäörd en meziëk: Frans Pollux

Zang: Bram Holla, Ruud Stikkelbroeck, Bart Houtermans en Fred Honig

Plaats gedeilde 2e. Elf op Elf

Ik zeen de klok weer tikke
Ik kiék al gans d’n daag
Vergaet noow haos te bikke
De kriebels in mien maag
Ik meug ’t ech neet misse
Dae wiézer kump d’raan
Dae wies dan wies hae wiejer wies weer 2x elf aan
Elf op Elf, daen tied dae is toch waan
Elf op Elf, dien fijnste pekske aan
Elf op Elf, ouk door ’t ganse jaor,
Um Elf euver Elf is dae Joeksigheid weer dao
Secondes tikke weg, ik heb ’t ef neet miër
Tikke-takke Tikke-takke, zing nog eine kiër
Elf op Elf, ’t fees is noow begôs
Elf op Elf, umdesse feeste môs
Elf op Elf, noow houw ens op die kis
’t Is Elf euver Elf, wies ’t twelf euver is
(Neet ein klok ter waereld, det zien d’r ech waal miër
Dus vier ik elf euver elf euver elf euver elf euver elf euver elf 24 kiër)
Gaon dök ens op vekansie
Nao moei moei ingeland
Dao veul ik mich toch zoë bliej
Um elf op tiën want
In Venlo luuje klokke
Ik veul mich weer de kloon
Dan vier ik vastelaovend vas wie venlonaere doon.

Wäörd en meziëk: Tim Peeters

Zang: Noud Janssen en Tim Peeters

Plaats 4. Maar, waat einen bums!!!

Wie Juupke woort gebaore, toen waas hae bes waal flink,
maar waas vaerder gans gezônd.
‘t-Is haos neet te verklaore, maar noow haet deezen bink,
Waal einen bums van elf pônd.
Maar…. maar ….maar… waat einen bums!!!
Dao bisse beslis neet mei gebaore
De vruuëgs dich aaf wiesse aan zoewaat kumps.
Wie kin zônnen bums zoë zien gewaore?
Ik wil neet zegge, dette dich neet steit.
Want ik vind um bes waal gaaf
Maar wao ‘t mich vuuël miër um geit.
Wie kumpse dao vanaaf???
Maar….. maar….. maar… waat einen bums!!!
De vruuëgs dich aaf wiesse aan zoewaat kumps
Wie alder hae maag waere, det leet toch veur de hand.
Des te zwaorder wuurt dae las.
Noow hoort ik pas bewaere, dae greujt nog naovenant.
Wies det zien muts um neet miër pas.

Wäörd en meziëk: Wim Roeffen

Zang: Rob Deenen, René Drüke en Luc Stikkelbroeck

Plaats 5. D’n insigste

Och, waat kin ‘t einzaam zien
zelf te môtte bestelle
Zoel ‘t neet waat zien, messchien
as ik dich efkes moch belle
En des dich noow nao mich toe kwaams en dan...
Och, dao druim ik van
Ik bin d’n insigste um wae alles heej dreit
Want ik bin d’n insigste dae heej nog steit
De res is gegaon
Ik staon heej te staon
En neemus steit mei
‘t Waas efkes waal fijn
te staon, zoë allein,
maar leever staon ik toch allebei
mit dich as d’n insigste um wae alles heej dreit
Maar idderein heej, ‘t ganse kefeej, is um gepleit.
(‘t Fees is veurbeej, ‘t is Ik en neet Weej, dae heej nog steit)
Och, waat kin ‘t stil toch zien
as neemus leedjes duit zinge
En wie druuëg de kael kin zien
as neemus rundjes kump bringe
Kreeg ik van eemus ein pilske, noow dan...
Och, dao druim ik van

Zang: Frans Driessen

Plaats 6. Tango op verdach

Dit is d’n tango veur dich
Wils dich dae danse mit mich
Veur ein kösmoel kös ik
Dae schmienk van dien gezich
Dao heb ik lang op gewach
Ik heb gedruimp op verdach
Van dich mien ingelke
Oét doézend eine nach:
As weej d’n tango danse zeen ik ’t gebeure
Det ik op staonde voot mien hert aan dich verleer
As weej d’n tango danse weit ik van te veure
Det ik veur ens en altiéd diene leeve waer
Zeg neet det geit mich te rap
Det doon we stepke veur stap
Dan bis dich éch van mich
Nao dreej daag van de … wap!
Dien ouge sjanse mit mich
En daorum bin ik allich
Van dienen ougopslaag
Ouk dol en duuzelig
Maar ik wil dóórgaon vannach
Wiesdet ‘t zunke ôs lach
Al môt daen tango mit
De ouge op half 8:
Refrein: wie baove 2x
Letste refrein de letste2 regels herhaole!

Zang: Paul Klaassens en Edu Carli

Plaats 7. Det is ôs op ’t liéf geschreve

De vastelaovend gaait ôs waal.
Want wie me zaet, dae zit ôs in ‘t blood.
Det dae dao zit is ôs egaal
Maar waat det duit, det duit ôs good.
En hebbe weej det dan allein?
Maar nae……., det haet heej idderein:
Det is ôs op ‘t liéf geschreve.
En waat d’r steit, is iërlik waor
Nae dao is, gen waord van euverdreve
want anders strepe weej det door
Ouk al is ‘t maar ein kort verhaol, maar geej kint ‘t allemaol.
Det is ôs op ‘t liéf geschreve
D’r waas nog nét ein plaetske vreej
En dao is ‘t toen ouk vaerder beej gebleve
want d’r kôs neet nog miër beej.
Weej halde van ôs moodertaal
Dao kinne weej, ôs altiéd in verstaon,
Det weej die spraeke is normaal
Want anders zoel die taal vergaon.
Al ware we jaore neet miër heej,
Dan nog….., die taal die blief ôs beej.

Zang: Mark Janssen, Petro Janssen, Mirjam van Elderen en Bibian Baur

Plaats 8. Thoés

Ik lig heej allein, in dees vraemde stad,
’t is duuster en stil, mien hert det duit pien.
Al maonde op paad, ik bin ’t zat,
Um zônder dich te zien.
Ik mis ôs gesmoés, wanniér kin ik nao hoés?
Weej zeen ôs thoés mit vastelaovend,
Dao wao ’t oeits begôs.
Dich en ik doën beejein,
Heej zien weej same ein,
Ik laot dich noeits miër los.
Weej zeen ôs thoés mit vastelaovend,
Ik woel det ’t ieuwig kôs.
Dich en ik doën beejein,
Heej zien weej same ein,
Dees daag die zien van ôs.
Ik lig in mien bed, mien ouge zien aop,
Ik wil druime van dich, maar slaope lök neet.
Ein traon op mien wang, toch hald ik haop,
Al duit ’t mich verdreet.
Ik mis ôs gesmoés, wanniér kumpse nao hoés?

Refrein

Refrein

Ind
Dich en ik doën beejein,
Heej zien weej same ein,
Vastelaovend blief van ôs.

Zang: Sharon Suiker en Ron Dings

Plaats 9. Uig, wáát ein riej !!

De leefde van dien laeve, kump neemus aangeweid
De zuls waat môtte gaeve, de wets toch wie det geit.
Ik heb det pas ervare, ik dach: “Noow heb ik sjans”
Maar det waas noow ’t rare, ik had gen schien van kans.
Uig ens dao, wáát ein riej, allein veur Annemie
Waat is dét maedje popelaer
Jao die riej, is zoë langk, wie ik weit neet wie
Want idderein haet um aeve gaer.
Maar ’t gelök is, wie ‘t zelf zag,
toch maar allein veur d’n alleriërste weggelag.
Waat ein leid, wie det geit, wie ik dao onder liej,
Want… ik staon weer as letste in die riej.
Ik weit nog van daen eine, dae stond dao met bônbôns.
Al net zoëlang te wachte, hae woog nog maar ein ôns.
Toen zoog hae ‘t neet miër zitte, hae waas ’t miër as zat.
Hae had ’t met de maedjes, veurluipig waal gehad.

Zang: Marcel Verdellen en Paul Joosten

Plaats 10. Roëzemerie

Beej mich naeve in d’n haof staon alle bloome op ein rie,
op kleure gesorteerd.
En ‘t moeiste bleumke det ze hebbe hit Roëzemerie,
‘t schoënste op dees aerd.
Ik vind um toch zoë knap.
Mit ouge wie ein hemelsblauwe lôch.
Dus vroog ik um op stap,
waas ‘t weer neet good genôg.
Roëzemerie,
det is ‘t maedje van heejnaeve, de........bloomisterie.
Roëzemerie,
det zit de bleumkes lever boéte as ‘t raegent wie nog nie.
Det waas veur mich de grutste kater.
Ik heb lever joeks en jen dan wa-ha-te-her.
Toch bin ik hiél blie,
mit mien Roëzemerie.
In d’n haof van eur kump ouk de boerebroelof op bezeuk,
wao hét zich dan mei meujt.
Want die boere en boerinne óch die vinde ‘t zoë leuk,
wie alles greujt en bleujt.
En Roëzemerie,
det veult zich thoés beej al die boereluuj.
Die hebbe op d’n tiéd,
‘t leefs ein gooje buuj.

Zang: Peter Wilders, Hans Aerts en Willy Billekens

Plaats 11. Wae wet waat ôs nog bleujt

As d’n optoch van ’t jaor ’n kleurke miër haet
Zien de gater al mit krokusse gevöld
As zô’n gruupke jônge tölpe goojendaag zaet
Zien de reubezek vergöld
Vastelaovend.. kleurt.. d’n tiéd
Mit ‘t veurjaor op visiét!
Wae wet waat ôs nog bleujt
As die bleumkes door de stad flanere
Wae wet wie dök ôs veut
Staon te springe um gezeen te waere
En wáe is dáo dan beej?
Um ein muulke weg.. te gaeve?
Weej zien zoë vreej en plökke det gelök
In d’n bleuj… van ôs laeve!
Wie ze dét toch van ’t jaor weer klaorfioële
In de bellestruúk beej volle maoneschien
Al die sproétebölkes en die kappeskoële
Die um op te vraete zien
Vastelaovend.. fleurt.. ôs op
Zaet ’t motto neet veur nop!
Refrein wie baove ( 2x)
(Letste refrein de slotregel “in d’n bleuj” 2x herhaole)

Zang: Paul Klaassens, Edu Carli en Joep Bindels